Félag eldri borgara Garðabæ
Félag aldraðra í Garðabæ er opið öllum þeim sem eru 60 ára og eldri. Félagið kemur að margvíslegum hagsmunamálum eldri borgara, auk þess að bjóða upp á skemmtanir og ferðir ásamt íþrótta- og tómstundastarfi í samvinnu við Jónshús.
Á vefsíðu félagsins má finna fréttir, dagskrá, upplýsingar um ferðir og hin ýmsu málefni sem félagið lætur sig varða.
Það er því um að gera að skrá sig í félagið – og vera með!
Fréttir
Stafræn félagsskírteini FEBG
Nú hafa félasgjöld í FEBG verið send til innheimtu og ættu allir félagar að hafa fengið rukkun í heimabankann sinn. Gömlu félagsskírteini eru útrunnin og komið að því að gefa út ný. Í ár höfum við tekið upp þá nýbreytni að gefa félagsskírteinið okkar út í stafrænu formi. En stafræn skírteini eru geymd í “veskis-öppum” á snjallsímum. Hægt er að geyma og nota stafræna skírteinið okkar í appinu Apple Wallet og íslenska appinu SmartWallet (Snjallveskið).
Ferð á Njáluslóðir 15. maí
Dagsferð þar sem Sigurbergur Árnasón leiðsögumaður fer með okkur á slóðir Hallgerðar Langbrókar og Njálsbrennu. Brottför frá Jónshúsi kl. 08:30.
Ferð FEBG til Vestmannaeyja 10. júní
Ferð til Vestmannaeyja 10. júní með brottför frá Jónshúsi kl. 07:30. Fararstjóri er Engilbert Gíslason.
Ferð FEBG til Madeira 29. október – 5. nóvember 2024
Komdu með FEBG í spennandi ferð til portúgölsku eyjunnar Madeira. Eyjan hefur ótrúlega margt upp á að bjóða og saga hennar er afar forvitnileg.
Páskabingó í Jónshúsi
Hið árlega páskabingó verður haldið í Jónshúsi 22. mars kl. 13.00. Spjaldið kostar 300 kr. Posi verður á staðnum. Glæsilegir vinningar að venju.
Góugleði – Dansleikur í Jónshúsi 15. mars
Húsið opnar kl. 19:30 og ballið byrjar kl. 20:00. Barinn opinn. Miðaverð kr. 2.000. Posi á staðnum.
Sérstök messa fyrir okkur eldri borgara verður í Vídalínskirkju næsta sunnudag 21.4. kl. 11:00. Sr. Friðrik J. Hjartar þjónar og Baldvin Jónsson flytur hugvekju.
Garðakórinn syngur undir stjórn Jóhanns Baldvinssonar.
Eftir messuna er boðið upp á messukaffi í safnaðarheimilinu. Þar verður einnig kökubasar Kórs Vídalínskirkju en kórinn er að safna fyrir kórferðalagi til Ungverjalands í júní.
Það er aldrei að vita nema kórarnir taki síðan lagið saman!
0 CommentsComment on Facebook
„Fimir á ferð" er hópur sem ætlar að hittast kl 10:00, 2. og 4. þriðjudag í mánuði frá því núna í lok apríl og fram á haust. Þetta er viðbót við gönguhópinn sem fer á hverjum degi kl. 10:00 frá Jónshúsi. Stefna hópsins er að fara í lengri göngur bæðin innan og utan Garðabæjar. Eins og með daglegar göngur eru allir velkomnir.
Dagskrá til júlíloka:
30. apr. Ganga frá Jónshúsi
14. maí Gufunes
28. maí Hvaleyrarvatn
11. júní Fossvogskirkjugarður
25. júní Vífilsstaðavatn – Gunnhildur
9. júlí Búrfellsgjá
23. júlí Elliðaárdalur
0 CommentsComment on Facebook
